Лондондағы бәссаудада Жанна д'Арктың сақинасы 420 мың долларға сатылды
АСТАНА. ҚазАқпарат - Лондондағы TimeLine Auctions аукционында Францияның 15 ғасырдағы батыр қызы Жанна д'Арктың сақинасы сатылды. Құнды жәдігердің жаңа иесінің есімі құпия қалып отыр, деп жазады шетелдік БАҚ.
Таза күмістен соғылған сақина бәссаудада өте қомақты бағаға сатылды. Сатып алушы жүзікке 297,6 мың фунт ұсынды, бұл шамамен 420 мың АҚШ доллары.
Коллекция жинаушылар осы лотқа таласқаны соншалық, олар сақинаның құнын рекордты деңгейге көтерді. Лондондағы TimeLine Auctions аукционына жиналғандар әшекей Жанна д'Арктың сақинасының сипатталуына толық сәйкес келіп тұрғанын атап өтті. сақина еменнен жасалған қорапшаға салынған. Оны иеленген адамға сақинаның түпнұсқа екенін куәландыратын құжат берілді.
