Лос-анджелестік сыншылар онжылдықтың үздік фильмдерін атады
АСТАНА. Қаңтардың 15-і. ҚазАқпарат - Американдық киноиндустрияның ең ықпалды кәсіби одақтарының бірі болып табылатын Лос-Анджелестің Киносыншылар қауымдастығы онжылдықтың үздік фильмдерінің тізімін жариялады. Бірінші орынды режиссер Дэвид Линч түсірген «Малхолланд драйві» фильмі иеленді,
деп хабарлайды ҚазАқпарат Лента.ру сайтына сілтеме жасап.
Сонымен қатар, үздік ондыққа келесі картиналар енді: «Мұнай» - режиссері Пол Томас Андерсон, «Өрелі ойдың мәңгілік шұғыласы» - режиссері Мишель Гондри, «Бүкір тау» - режиссері Энг Ли, «Қарттарға мұнда орын жоқ» - режиссері Итан және Джоэл Коэндер, «Зодиак» - режиссер Дэвид Финчер, «Бір және екі» - режиссері Эдвард Янг, «4 ай, 3 апта, 2 күн» - режиссері Кристиан Мунджиу, «Шығыршықтар әміршісі» - режиссері Питер Джексон , «Елестер жетегінде» - режиссері Хайао Миядзаки, «Жоғалған рейс» - режиссері Пол Гринграсс, «Сенің анаңмен бірге» - режиссері Альфонсо Куарон және «Жолдың жағасында» - режиссері Александр Пэйн.
Онжылдықтың үздік картиналарын таңдауға лос-анджелестік Киносыншылар қауымдастығының 40-тан астам мүшелері қатысты. Оларға конкурсқа жіберілген 189 фильмнің ішінен таңдап алуға тура келді.
