12:35, 22 Сәуір 2024 | GMT +5
LRT құрылысы: Сығанақ көшесіндегі жол қозғалысы уақытша өзгереді
АСТАНА. KAZINFORM – LRT учаскелеріндегі жұмыстарға байланысты қалалық полиция департаментімен келісе отырып, Сығанақ көшесінде көлік қозғалысы уақытша өзгереді. Бұл туралы Астана әкімдігінің ресми сайты жазды.
«24 сәуір мен 30 қараша аралығында Ақмешіт көшесінен Түркістан көшесіне дейінгі аумақта Сығанақ көшесінің бойында көлік қозғалысын толығымен шектеу жоспарланып отыр. Ол жерде «Абу-Даби Плаза» бизнес орталығының ғимаратымен интеграцияланған 112-LRT станциясының құрылысына қатысты жұмыстар жүргізіледі», — делінген хабарламада.
Бұл ретте Ақмешіт көшесі мен Түркістан көшесі бойындағы қозғалыс ашық болады.
Елорда қонақтары мен тұрғындары қозғалыс бағытын алдын ала жоспарлауы қажет.
