Lufthansa жолаушысы әуеде ұшақ есігін ашпақ болған
АСТАНА. ҚазАқпарат - Әуе кемесінің капитаны шұғыл қонып, жанжал шығарған адамды полицейлер мен медицина қызметкерлеріне тапсыруға шешім қабылдады.
Мюнхеннен канадалық Ванкуверге бет алған Lufthansa компаниясының ұшағы жолаушылардың бірінің жанжал шығаруына байланысты Гамбург әуежайына амал жоқ қонуына тура келді. CBC News телеарнасы хабарлағандай, бастапқыда ер адам ұшырылым кезінде темекі шекпек болған, сосын шыңғырып, әуе кемесінің есігін ашуға ұмтылған.
