Лула да Силва Бразилия президенті болып қайта сайланды
АСТАНА. KAZINFORM — Бразилияның қазіргі президенті Луис Инасиу Лула да Силва президент сайлауының екінші турында жеңіске жетті және жаңа мерзімге қайта сайланды, деп хабарлайды ТАСС.
Бұған Орталық сайлау комиссиясының функцияларын орындайтын елдің жоғарғы сайлау Сотының деректері дәлел бола алады. Хаттамалардың 97,69%-ы өңделгеннен кейін дауыс беру нәтижесі математикалық тұрғыдан қайтымсыз деп танылды.
Ресми статистикаға сәйкес, солшыл Еңбек партиясының жетекшісі 51,74% дауыс жинайды. Оның қарсыласы-оңшыл оппозиция өкілі, сенатор Флавиу Болсонару 48,26% алады. Оның артта қалушылықты жоюға математикалық мүмкіндігі жоқ.
Лула да Силва Бразилияның қазіргі тарихындағы президент сайлауында бірінші турда артта қалғаннан кейін жеңіске жеткен алғашқы саясаткер болды. Мемлекет басшысының жаңа мерзімі 2027 жылдың 1 қаңтарында басталады.
Екінші турға 127 807 732 сайлаушы қатысты. Қатысушылар көрсеткіші 80,79% болды, ал учаскелерге келмеген азаматтардың үлесі 19,21%. Бұл - 30 381 854 адам.
1 426 055 бюллетень немесе жалпы санның 1,12%-ы бос деп танылды. 2,12% болатын тағы 2 713 225 бюллетень жарамсыз деп танылды.
Естеріңізге сала кетейік, Бразилияда президент сайлауының екінші туры 25 қазанда басталды. Бірінші тур жеңімпазсыз аяқталды. Зерттеулердің көпшілігі Луланың аздаған артықшылығын көрсетті, бірақ үміткерлер арасындағы алшақтық статистикалық қателік шегінде болды.
Сайлауға барлығы 12 кандидат қатысты.
