ІІМ Қарағанды академиясына жаңа басшы келді

АСТАНА. KAZINFORM – Президент Әкімшілігінің келісімі бойынша Ішкі істер министрінің бұйрығымен Бәрімбек Бейсенов атындағы ІІМ Қарағанды академиясының бастығы болып Биекенов Нұрлан Амангелдіұлы тағайындалды. Бұл туралы Polisia.kz жазды.

ІІМ Қарағанды академиясына жаңа басшы келді
Фото: Polisia.kz

Ведомстволық оқу орнының жаңа басшысын жеке құрамға министрдің орынбасары Айдар Сайтбеков таныстырды. Нұрлан Биекенов ІІМ Қарағанды академиясының оқытушысы, кафедра бастығы болып жұмыс істеген.

Еске сала кетейік, бүгін сондай-ақ Президент Әкімшілігінің келісімі бойынша Ішкі істер министрінің бұйрығымен Мақан Есболатов атындағы ІІМ Алматы академиясының бастығы болып Қобландин Қалижан Жеңісбекұлы тағайындалғанын жазған болатынбыз.

 

Соңғы жаңалықтар