М. Кукушкин Apia International Sydney жарысының финалында сербиялық Троицкиден жеңіліп қалды

АСТАНА. ҚазАқпарат - Әлемнің 66-шы ракеткасы, қазақстандық спортшы Михаил Кукушкин АТР Apia International Sydney жарысының ақтық сынында Сербия теннисшісі Виктор Троицкимен кездесті, деп хабарлайды Sports.kz.

Корттағы бірінші төрт геймде тең күрес жүрді, алайда одан кейін Сербия спортшысы жеңе бастады. Ойын әлемдік рейтингтің 92-ші орнында тұрған Виктор Троицкидің жеңісімен 6:2, 6:3 есебімен аяқталды.