Мәдениет және ақпарат министрлігінің алқа мәжілісінде ақпараттық, мәдени, тіл салаларындағы жұмыстардың басымдықты бағыттары қаралды
АСТАНА. Наурыздың 3-і. ҚазАқпарат - Бүгін елордада республикалық мәдени мекемелердің, қоғамдық бірлестіктер мен бұқаралық ақпарат құралдары басшыларының қатысуымен Мәдениет және ақпарат министрлігінің алқа мәжілісі өтті.
Отырыс мәдени-ақпараттық саланың Елбасының «Жаңа онжылдық - жаңа экономикалық өркендеу - Қазақстанның жаңа мүмкіндіктері» атты Қазақстан халқына Жолдауымен жүктелген міндеттерді жүзеге асыру мәселелеріне арналды.
Мәжілісте сөз сөйлеген Мәдениет және ақпарат министрі Мұхтар Құл-Мұхаммед жиналған қауымның назарын ақпараттық, мәдени және тіл салаларындағы атқарылатын жұмыстардың басымдық бағыттарына аударды.
Алқалы отырыс сонымен бірге ақпараттық-түсіндіру жұмыстары және үкіметтік емес ұйымдармен өзара іс-қимылдардың белсенділігін арттыру, «Мәдени мұра» бағдарламасын жүзеге асыру, тілдерді дамытудың 2020 жылға дейінгі бағдарламасын әзірлеу, т.б. мәселелерді талқылады.
