Македония: Куманово қаласына шабуылдаған содырларды косовалықтар басқарған
АСТАНА. ҚазАқпарат - Македония билігі кеше елдің шекарасына жақын орналасқан Куманово қаласында полицейлерді атып кеткен содырлардың басшылығында 5 косовалықтың болғанын мәлімдеді, деп жазады Би-би-си.
Олар бұрын Косова өлкесін азат ету армиясының құрамында болған көрінеді.
Атыс салдарынан 8 полицей ажал құшып, 37-сі жараланды.
Қарулы топ көрші елдің территориясынан басып кірген, - дейді билік өкілдері нақты қай ел екенін айтпай. Олардың мақсаты мемлекеттік мекемелерге шабуыл жасау болған.
Қазіргі сәтте елде екі тәулікке қаралы күн жарияланды.
