Македонияда белгісіз біреулер бес полицейді атып кетті
АСТАНА. ҚазАқпарат - Македонияда полицейлер мен белгісіз адамдар арасында орын алған атыс салдарынан бес полицей ажал құшып, 30-ға жуығы жарақат алды.
Полиция бірнеше содыр қаза тапқанын да мәлімдеді.
Би-би-си тілшісі хабарлағандай, оқиға албан диаспорасы қоныстанған Куманово қаласында - македониялық-сербиялық шекарадан 10 шақырым жерде болған.
Ішкі істер министрлігі қарулы топ көрші елден (аты аталмады) келді деп отыр.
Македонияның құқық қорғау органдарының деректеріне сүйенсек, содырлар мемлекеттік мекемеге шабуыл жасамақшы болған.
