Маккартни Ұлыбританияның ең бай музыканты ретінде қайта танылды
АСТАНА. 11 сәуір. ҚазАқпарат - Аңызға айналған The Beatles тобының мүшесі Пол Маккартни Sunday Times басылымының нұсқасы бойынша британдық бай-бағлан өнер иелерінің тізімін қайта бастап тұр.
Бұл туралы Утро.ру хабарлайды.
Маккартни мен оның жұбайының байлығы 680 млн. фунтқа (1 млрд. АҚШ доллары шамасында) бағаланып отыр. Бай өнер иелерінің тізімінде ол 1989 жылдан бері көшбасшы атанып отыр. Сол кезде әншінің еншісінде 80 млн. фунт (120 миллион АҚШ долларынан астам) болған.
Екінші сатыға байлығы 620 млн. фунтқа жеткен (950 миллион доллар) композитор Эндрю Ллойд Уэббер жайғасқан. Ал U2 тобы 520 фунт ($300 миллион) қаржымен үштікті қорытындылайды.
