Мәлімдеме: ҚМГ Литвада активтер сатып алу жөнінде келіссөздер жүргізіп жатқан жоқ
АСТАНА. ҚазАқпарат - Бірқатар қазақстандық бұқаралық ақпарат құралдарында 9-10 шілде күндері «ҚазМұнайГаз» ҰК АҚ мен польшалық «PKN Orlen» концерні арасында Мажейкяй мұнай өңдеу зауытын сатып алу туралы келіссөздерге қатысты материалдар жарық көрген болатын.
"ҚМГ аталмыш ақпараттың шындыққа жанаспайтындығын ресми мәлімдейді. Қазіргі уақытта «PKN Orlen» концернінен мұнай өңдеу активтерін сатып алу туралы мәселе қарастырылған емес және бұл бойынша келіссөздер жүргізіліп жатқан жоқ",-делінген ҚМГ баспасөз қызметі таратқан мәлімдемеде.
