Мамыр айында Байқоңыр ғарыш айлағынан екі ұшырылым жасалады

БАЙҚОҢЫР. 3 мамыр. ҚазАқпарат - 2013 жылға арналған ғарыш аппараттарын ұшыру жоспарына сәйкес, мамыр айында Байқоңыр ғарыш айлағынан екі ұшырылымды жүзеге асыру көзделіп отыр.

Бұл туралы Ресей Ғарыш агенттігінің баспасөз қызметінен мәлім етті.

«Бриз-М» үдеткіш блогы бар «Протон-М» зымыран-тасығышының көмегімен «ДаблЮ 3 Ди» ғарыштық байланыс аппараты, сондай-ақ Халықаралық ғарыш стансысына аттанатын кезекті экипажы бар «Союз ТМА-09М» басқарылатын көлік кемесін ұшыру жоспарланады.