Мамырдың 14-15-і күндері Алматы қаласында «ЕҚЫҰ-ның еуразиялық өлшемі» атты Трансазиялық парламенттік форум өтеді
деп хабарлайды ҚазАқпарат.
Парламентаралық ынтымақтастықтың аясын кеңейту мақсатын көздейтін бұл форум Қазақстанның Еуропадағы Қауіпсіздік және Ынтымақтастық Ұйымына төрағалық етуі шеңберінде мамырдың 14-і мен 16-сы аралығында өткелі тұр.
Трансазиялық парламенттік форумның ашылу салтанатында Қазақстан Республикасының Президенті Нұрсұлтан Назарбаевтың үндеуін ЕҚЫҰ-ның қазіргі төрағасы, ҚР Мемлекеттік хатшысы - Сыртқы істер министрі Қанат Саудабаев оқып беретіні қарастырылған. ҚР Парламенті Сенатының Төрағасы Қасым-Жомарт Тоқаевтың және ҚР Парламенті Мәжілісінің Төрағасы Орал Мұхамеджановтың құттықтау сөзі жоспарланған. ЕҚЫҰ-ның Парламенттік Ассамблеясының Төрағасы Жоа Соарештың және ЕҚЫҰ-ның Бас хатшысы Марк Перрен де Бришамбо сөз сөйлейтіні көзделуде.
Форум бағдарламасында үш сессияның жұмыс істейтіні жоспарланған. Бірінші - «Аймақтық қауіпсіздік. Ауғанстан, терроризм және есірткі заттарымен күрес, қарусыздану». Екінші - «Еуразия: Дамушы нарықтар және өріс алған шақырулар. Экономикалық даму, сауда, ресурстарды басқару, еңбек көші-қоны, экологиялық мәселелер». Және үшінші - «Адамзаттық өлшем. Діни төзімділік, саяси даму, адам саудасымен күрес, гендерлік теңдік».
Форум жұмысына ЕҚЫҰ-ға мүше мемлекеттер, Жерорта теңізі аймағы мен Азиядағы серіктес мемлекеттер парламентшілер мен халықаралық ұйымдардың өкілдері қатысады деп күтілуде.
Ал мамырдың 15-і, сенбі күні, Қырғызстандағы жағдайға байланысты арнайы сессия өтпекші (сағат 15-00). Баяндамашылардың қатарында Еуропадағы Қауіпсіздік және ынтымақтастық ұйымының Қырғызстан мәселелері жөніндегі арнайы өкілі, ҚР Парламенті Мәжілісі Төрағасының орынбасары Жәнібек Кәрібжановбар.