Маңғыстауда 59 жастағы ер адамды ұрлап, өлтірді деген күдікпен 2 адам ұсталды

Маңғыстау облыстық полиция
Фото:Аягөз Ізбасарова/ Kazinform

АҚТАУ. KAZINFORM – Желіде тараған ақпаратқа сәйкес, Маңғыстау облыстық полиция қызметкерлері 59 жастағы ер адамды ұрлап, өлтірді деген күдікпен екі әскери қызметшіні ұстаған.

Тергеу мәліметтері бойынша, күдіктілер өлтірген адамның басын кесіп, көміп тастаған. Тағы бір күдікті ұстатпай қашып жүр.

Бұл ақпаратты полиция департаменті растады.

"Адам ұрлығы мен өлтіру деректері бойынша 2 күдікті уақытша ұстау изоляторына қамалды. Үшінші күдіктіні ұстау бойынша жедел-іздестіру шаралары жүргізілуде. Тергеу амалдары жүргізіліп жатыр. Өзге ақпарат тергеу мүддесі үшін жария етілмейді", - дейді облыстық полиция департаментінің баспасөз хатшысы Әйгерім Ибатуллаева.

Сондай-ақ, қамауға алынған екі күдіктінің біреуі бұрынғы әскери қызметші.

Соңғы жаңалықтар
telegram