Маңғыстау облысында үш баланың анасы 1 айдан бері табылмай жатыр
АҚТАУ. ҚазАқпарат - Маңғыстау облысының 27 жастағы тұрғыны, 3 баланың анасы 1 айдан бері табылмай жатыр, деп хабарлайды ҚазАқпарат тілшісі.
Жәния Абдуллаева 29 қыркүйекте Бейнеу ауданы Бейнеу ауылындағы үйінен шығып кеткен.
«Келіншектің ата-анасы Бейнеу ауданынан келіп, қызының жоғалып кеткені туралы шағым түсірді. Қазіргі уақытта жедел-іздестіру шаралары жүргізіліп жатыр»,- деп мәлім етті Маңғыстау облысы Полиция департаментінің баспасөз қызметі.
Жоғалған Жәния Абдуллаеваның 3 баласы бар.
