Маңғыстауда келесі жылы мұқтаж жандарды баспанамен қамтуға 300 млн теңге бөлінбек
АҚТАУ. ҚазАқпарат – Маңғыстау облысында көпбалалы аналар мен тұрмысы төмен отбасыларды тұрғын-үймен қамту мақсатында 300 млн. теңге бөлу жоспарланып отыр,-деп хабарлайды ҚазАқпарат тілшісі.
Бұл туралы Маңғыстау облысы әкімінің бірінші орынбасары Әлихан Қыраубаев журналистермен болған брифингте айтты.
Жыл басынан бері 1 млн. шаршы метр тұрғын-үй пайдалануға берілген. Жыл соңында 1,2 млн. шаршы метр үйді қолданысқа беру жоспарланған.
«Келесі жылға 46 жобаны іске асыру жоспарланып отыр, оған 6 млрд теңге бөлінді. Оны 4,8 млрд. теңгесіне 37 өтпелі жобалар, 1,2 млрд теңгесіне 9 жаңа жоба жүзеге асырылмақ. Негізгі мақсат – тұрғындарды, оның ішінде халықтың әлеуметтік осал топтарын (мүгедек балалары бар, көпбалалы аз қамтылған отбасылар, жетім және ата-ана қамқорлығынсыз қалған балалар) қолжетімді тұрғын үймен қамту. Бүгінде облыста аталған категорияда 8 491 отбасы бар»,-деді Әлихан Қыраубаев.
Сонымен қатар, халықтың әлеуметтік тұрғыдан осал топтарын қолжетімді тұрғын-үймен қамту мақсатында 300 млн. теңгенің тұрғын үй сертификаттары беріледі.
Транспорт инфрақұрылымын дамытуға - 17 млрд. Теңге жұмсалс, оның ішінде жолдар құрылысына 10 млрд. теңге бөлінбек.
