Маңғыстауда студенттердің жаппай төбелесінде 3 адам жарақат алды

АҚТАУ. ҚазАқпарат - Маңғыстау гуманитарлық колледжінің алдында бір топ студент төбелесіп, 3 адам жарақат алды, деп хабарлайды ҚазАқпарат тілшісі.

Әлеуметтік желіде олардың төбелескен видеосы тарап кеткен. Оқиға Мұрын жырау атындағы Маңғыстау гуманитарлық университетінің алдында болды. Мектеп директоры төбелестен кейін ата-аналар жиналысы болғанын айтады. Студенттердің бірі тергеуге алынған.

Маңғыстау облыстық ПД баспасөз қызметінің хабарлауынша, аталған факт бойынша қылмыстық іс қозғалған.

«Оқиға ҚР Қылмыстық кодексінің 106-бап, 2-бөлігі бойынша Ақтау қалалық ПД сотқа дейінгі бірыңғай тізілімне енгізілді. Қазір осы іске қатысты сотқа дейінгі тергеу жүріп жатыр. Төбелестен 3 адам зардап шекті» делінген хабарламада.