Маңғыстауда тариф көтерілмейді - әкімдік

Бұл туралы өңірлік коммуникациялар қызметінің алаңына келген Маңғыстау облысы әкімінің орынбасары Бақытжан Качаков мәлімдеді.

Оның сөзінше, жылу, электр қуаты, су және кәріз жүйесінің тарифтері жыл соңына дейін өзгеріссіз қалады.

Бүгінгі күні электрэнергия бағасы -1 кВт. үшін 17,29 теңге болып отыр. Осыған дейін ол 14%-ға азайтылған.

Қазір «Маэк» мекемесін ҚР Энергетика минстрлігіне беру мәселесі қаралып жатыр. Бірақ бұл бағаға әсер етпейді,-дейді мамандар.

Тариф бағасының құбылуына мекемелер әсер етіп отыр. Мысалы, «Маэк» энергияны өндіргеннен кейін біреу сатып алады, басқасы тасымалдайды, жеткізеді. Осы процедураларды қысқартып, бағаны төмендету жоспарланып отыр.

«Жуырда ғана қоғамдық қабылдау өтті. ҚР заңына сәйкес, әрбір 5 жыл сайын тарифтің жаңа бағасы бекітіледі. Соған сәйкес, 2020 жылдың 1 қаңтарынан бастап қана жаңа тариф енгізіледі. Қазір баға мәселесі табиғи монополияларды реттеу комитетінде қаралып жатыр. Жан-жақты қаралады, талқыланады, тағы да қоғамдық қабылдау өткізіледі. Тағы да қайталаймын, аяқ астынан баға көтерілмейді»,-дейді Бақытжан Качаков.