Маңғыстауда түйені қағып кеткен көлік жүргізушісі мен жолаушы әйел қаза тапты

АСТАНА. ҚазАқпарат - Жол-көлік апаты Маңғыстау ауданындағы Шетпе-Жынғылды күре жолында орын алған. Полицияның мәліметтерінше, Daewoo Nexia көлігін басқарып келе жатқан Ақтау қаласының 21 жастағы тұрғыны жол үстіне шыға келген түйені басып кетті.

«Жол апатының зардаптары қайғылы болды: жеңіл көліктің жүргізушісі мен оның 51 жастағы жолаушысы, Өзбекстан азаматшасы алған ауыр жарақаттарынан оқиға орнында көз жұмған. Тағы бір жолаушы, 20 жастағы жігіт жабық бас сүйек-ми зақымы, бас миының соғылуы және өзге де дене жарақаттарымен ауруханаға жеткізілді», - деп хабарлады жол-патрульдік полицияның қызметкерлері.

Жол апатында түйе де өлген, деп хабарлайды lada.kz.

Фото из архива «Лады»