Маңғыстауда түйені қаққан көліктегі екі адам көз жұмды
АҚТАУ. ҚазАқпарат – Маңғыстауда «Lada Xray» автокөлігі түйені қағып, оқиға орнында екі адам қайтыс болды. Бұл туралы облыстық полиция департаментінен мәлім етті, деп хабарлайды ҚазАқпарат тілшісі.
Оқиға Бейнеу - Шетпе республикалық маңызы бар тасжолдың 93-шақырымында болған.
«Lada Xray» автокөлігі жол бойында екі түйені қаққан. Жол-көлік апатынан екі адам оқиға орнында қайтыс болды», - делінген мәліметте.
Аталған дерек Бейнеу ауданы ПБ СДТБТ-де ҚР Қылмыстық кодексінің 345-бабы 4-бөлігі бойынша тіркелді. Тергеу амалдары жүргізіліп жатыр. Өзге ақпарат тергеу мүддесінде жария етілмейді.
