Маңғыстауда жоғалып кеткен 17 жастағы жігіттің денесі табылды

АСТАНА. ҚазАқпарат - Маңғыстауда 2016 жылдың тамызында үйден шығып кетіп, қайтып оралмаған 17 жастағы Амандық Сатыбалды атты бозбаланың денесі табылды. Оны саусағындағы жүзігінен таныды, деп жазады Лада.kz.

 «Біздің туысқандар мүрдені тану үшін арнайы барып келді, оның жүзігін көріп, таныды. Бізге мәйітті Приозерное ауданында батпақты көлшіктен тапқандарын айтты», - дейді марқұмның әкесі.

Полиция әзірше ресми мәлімет берген жоқ.