Маңғыстаулық кеденшілер қазақ-түркімен шекарасында валютаны заңсыз әкетпек болған азаматты ұстады
АҚТАУ. 26 шілде. ҚазАқпарат - Маңғыстаулық кеденшілер елімізден 50 мың АҚШ долларына жуық қаржыны заңсыз әкетуге әрекеттенген Түркіменстанның азаматын ұстады.
Ол қазақстандық-түркімендік шекарада орналасқан «Темір-баба» көлік өткелінде кедендік тексеріс кезінде қолға түсті.
Кедендік департамент мамандары Түркіменстан Республикасы азаматының үстінен ҚР ҚК 209 бабы 1 бөлігі бойынша қылмыстық іс қозғады.
