Маңғыстаулық тұрғыннан Қызыл кітапқа енген құс тәркіленді
АҚТАУ. ҚазАқпарат - Маңғыстау облысы Түпқараған ауданының тұрғынынан мемлекет қорғауындағы сирек кездесетін құс тәркіленді, деп хабарлады ҚазАқпарат тілшісі.
«Оның Қызыл кітапқа енген бүркітке ұқсас жыртқыш екендігі анықталды. Аталған дерек ҚР Қылмыстық кодексінің 339-бабы (өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу) бойынша тіркелді», - деді Маңғыстау облыстық Полиция департаментінен.
Тергеу амалдары басталған.
Маңғыстау облысы Полиция департаменті тұрғындарды табиғатты қорғау заңнамасын бұзбауға шақырады.
