Маргарет Тэтчерді жерлеу қымбатқа түсті
Британиялық басылымдар оған кеткен жалпы шығын 15 миллион долларға жетіп жығылады деп бағалап отыр. Ал мемлекеттік бюджетке түсірген салмағы - 5,6 млн доллардың айналасында. 765 мың доллар көлеміндегі ақша жерлеу рәсіміне шақыру қағаздарына, қасиетті Павл шіркеуіндегі ұйымдастыру шараларына және қонақтарды қарсы алуға жұмсалды. Ал Букингемск сарайының айналасын күзетуге шыққан полицейлер мен жол қатынасын реттеуші полицейлерге 1,6 млн доллардай төленді. Аталған рәсімнің қауіпсіздігін қамтамасыз ету үшін 4 000-ға жуық тәртіп сақшысы көшеге шықты. Бұл шығынға Тэтчердің туған-туыстары өз қалталарынан қосқан қаржы көлемі қосылмады. Себебі олар қанша көлемде қаржы қосқандарын айтудан бас тартқан. The Daily Telegraph басылымының есебінше, «Темір ханымды» жерлеуге кеткен қаржыны британиялықтардың жан басына бөлсек, бар болғаны тоғыз центтен келіп отыр, деп жазады «Алаш айнасы» басылымы.