Мария Шарапова: Зарина Дияс кез келген қарсыласын сүріндіруге қауқарлы
АСТАНА. ҚазАқпарат - Әлемнің екінші ракеткасы, Ресей теннисшісі Мария Шарапова Australian Open-нің үшінші айналымында отандасымыз Зарина Дияспен болған ойынға қатысты өз пікірін білдіріп, спортшыға баға берді. Бұл туралы sports.kz. сайты жазды.
«Кеше тамаша жаттықтым, сондықтан бүгінгі айқастың алдында өзімді жақсы сезіндім. Кездесудің басында ойынға зейін салдым, бұл маған жеңіске жетуге көмектесті», - деп атап өтті Мария.
«Диястың кез келген қарсыласына қиындық тудырта алатынын білдім. Бірақ, бүгін бұл оның қолынан келмеді. Оған уақыт берілсе, тамаша жетістіктерге қол жеткізе алады», - деді Мария Шарапова.
