Марк Карни Канаданың премьер-министрлігіне кандидатурасын жариялады

АСТАНА. KAZINFORM – Англия банкінің бұрынғы басшысы Марк Карни Джастин Трюдоның орнына биліктегі Либералдық партияның көшбасшысы болу үшін сайлауға түсетінін ресми түрде мәлімдеді, деп хабарлайды BBC

Марк Карни
Фото: prodelo.by

59 жастағы Карни жеңіске жеткен жағдайда ол партияны басқарып қана қоймай, биылғы сайлауға дейін Канаданың премьер-министрі болады. 

Марк Карни – канадалық азамат және көрнекті экономист. Ол 2008-2013 жылдары жаһандық қаржылық дағдарыстан кейінгі жылдары Канада банкінің төрағасы, содан кейін 2013-2020 жылдары Англия банкінің төрағасы болды. 

– Мен көптеген дағдарыстарды шешуге және екі экономиканы сақтап қалуға қатыстым. Бизнестің қалай жұмыс істейтінін және оны сіз үшін қалай жасауға болатынын білемін, - деді Карни бейсенбіде өзінің туған қаласы Эдмонтонда кандидатурасын жариялаған кезде.

Еске сала кетсек, 6 қаңтарда Канада премьер-министрі Джастин Трюдо отставкаға кететінін жариялады

Бұған дейін жазғанымыздай, Трамп Канаданы 51-ші штат етіп қалыптастыру идеясын алға тартып отыр

Соңғы жаңалықтар