Марокко жағалауында мигранттардың қайығы суға батып кетті
АНКАРА. ҚазАқпарат - Марокко жағалауында заңсыз мигранттар мінген кеме суға батып, кем дегенде 6 адам қаза тапты, деп хабарлайды ҚазАқпарат Anadolu агенттігіне сілтеме жасап.
Бір күн бұрын ондаған мигрант мінген кеме жартастарға соқтығысқан деп мәлімдеді ақпарат көзі. 6 адамның мәйітін табылды, 48 адам аман қалды.
Мигранттардың қай елде туғаны туралы ақпарат берілмейді.
Бұған дейін 18 шілдеде Марокко билігі 900-ге жуық заңсыз мигранттың құтқарылғанын жариялаған.
