Маса улап жатыр: Астаналықтар түнгі уақытта терезесін жауып қойғаны жөн
АСТАНА. ҚазАқпарат - Астананың қоршаған ортаны қорғау және табиғат пайдалану басқармасы қала аумағында түнгі уақытта сағат 21.00-ден 04.00-ге дейін 6 тур бойы басқа өңірлерден масалар ауып келмес үшін қорғаныс жасай отырып, шыбын-шіркейді құрту шараларын өткізеді, деп хабарлайды ҚазАқпарат елорда әкімдігінің ресми сайтына сілтеме жасап.
28 шілдеде 4-тур аясында Астана қаласында маса жою жұмысы басталған.
Бұл жұмыс ашық алаңда бекітілген жұмыс кестесіне сәйкес жүріп жатыр.
Елорданың шетінен шыбын-шіркей мен олардың жаппай ұшып келуіне жол бермеу мақсатында қала маңындағы қорғаныс бөгеттері тұрақты бақылауда.
Жұмыс мамандандырылған дезинфекциялық машиналар мен термогенераторлардың көмегімен, хлорпирифос пен малатионның белсенді заты бар FOS класының инсектицид препараттарын қолдана отырып жүргізіледі.
Зиянкестермен күрес кезінде мынадай сақтық шараларын сақтау маңызды:
- Далаға баруды шектеу;
- Өңдеу кезінде терезелерді жабыңыз.
Өңдеу кезінде мынадай техника қолданылады: 90-нан астам дезинфектор, 8 энтомолог-биолог, 24 термогенератор, 90 моторлы сөмке бүріккіш, 3 дезинфекция машинасы және 2 дезинфекция қондырғысы бар мотоцикл шассиі.
Сонымен қатар энтомологиялық ғылыми топпен жұмыстың тиімділігін бақылау тұрақты негізде орындалады.
Сол сияқты зиянкестермен күрес шараларының уақытын климаттық жағдайларға (жаңбыр, дауыл, температураның төмендеуі және т.б.) байланысты реттеуге болатынын атап өткен жөн.
