Масадан арылудың жолдары
АСТАНА. 11 тамыз. ҚазАқпарат - Дәл қазіргі уақытта еліміздің кез келген аймағында масадан зардап шегіп жүрген адам аз емес шығар. Вaq.kz ақпарттық порталында масадан арылудың бірнеше тәсілдері жарияланған. Жәндіктер көп шағатын маусымда табиғат аясына, орманға немесе кешкісін серуендеуге шықсаңыз, олардан қорғанудың жолдарын біле жүрген абзал.
1.100 грамм валерьянка немесе камфора майын оттықпен буландырсаңыз, маса мен шыбындар маңайыңызға да жоламайтын көрінеді.
2. Мойыл немесе шетен жидегінің жапырақтарын ұсақтап турап, денеңізге жағып алыңыз.
3. Масалар қалампыр, насыбайгүл, бәден, эвкалипттен жасалған эфир майларынан да "қорқады".
4. Бадам ағашының бұтақтарын бөлмеге қойып қойсаңыз, тыныш ұйықтайсыз.
5. Табиғат аясына шыққан болсаңыз, аршаның бұтақтарын жағып қойыңыз.
6. Балқарағай майы масаларды ғана емес, шыбындар мен тарақандардан қорғайтын қабілетке ие.
7. Бетіңізді жусан тамырынан жасалған тұнбамен жусаңыз, бірде-бір жәндік сізді шақпайды.
8. Масадан қорғайтын электрлік зат - фумигатор таусылып қалса, дүкенге жүгіруге асықпаңыз. Бос ыдысқа эвкалипт сұйықтығын құйыңыз. Масалар сіздің үйге келетін жолды "ұмытып қалады".
