Мәскеу әуежайларында 70-тен астам рейс кейінге шегерілді
Ресей астанасында 3 желтоқсан күні 145 жылдан кейінгі ең қалың қар түсті. Бұл туралы Kazinform ТАСС жаңалықтарына сілтеме жасап хабарлайды.
Мәскеуге келетін және одан ұшатын рейстер тоқтатылды және 73 рейс кейінге қалдырылды. Бұл ел астанасы әуежайларының онлайн-таблосында көрсетілген.
Мәскеу уақытымен 02:18-дегі жағдай бойынша Шереметьево әуежайында 34 рейс, Домодедовода 17 рейс кейінге қалдырылып, тағы 3 рейс тоқтатылды. Внуковода - 13 рейс, Жуковскийде - 6 рейс кейінге қалдырылды.
Әуежайлар үшін екі сағаттық кешігу қалыпты жағдай. Сондықтан, Росавиация чартерлік және тұрақты рейстердің кешігуі туралы статистикалық деректерді есептеу кезінде 2 сағатқа дейінгі кешігулерді есепке алмайды. Сонымен қатар, Мәскеудің барлық әуежайлары барлық ауа райына бейім, сондықтан әдетте кестеде өзгерістер бола бермейді.
Ресейдің Гидрометеорологиялық орталығының ғылыми директоры Роман Вильфандтың хабарлауынша, жексенбі күні Мәскеуде 145 жылдан соң 3 желтоқсан үшін қардың максималды мөлшері жауған.
