Мәскеу метросында зағип ер адам пойыз астына түсіп, тірі қалды
АСТАНА. ҚазАқпарат - Төтенше оқиға мәскеулік метрополитеннің Серпухов-Тимирязев желісінің "Севастопольская" стансасында орын алды. Онда көзі көрмейтін ер адам келе жатқан пойыздың алдында рельске құлап қалды.
Оқиға Мәскеу уақытымен сағат 13:49-да орын алды, бірнеше минуттан соң жолаушыны платформаға көтеріп алды, деп жазады РИА Новости.
Зардап шегушінің қандай жарақаттар алғаны туралы әзірге хабарланбай отыр.
