Мәскеуде әлемдік деңгейдегі Құран жарысы өтеді
АСТАНА. ҚазАқпарат - 11 қазан күні Мәскеу қаласында Ресей Сыртқы істер министрлігі, Мәдениет министрлігі және Мәскеу үкіметінің қолдауымен әлемдік деңгейде қасиетті Құран жарысы өтпек, деп хабарланған Қазақстан мұсылмандары діни басқармасының сайтында.
Аталмыш жарысқа әлемнің 44 елінің білікті хафиздері қатысады. Ал жарыстың ерекше қонағы ретінде әл-Харам мешітінің имамы Маһир әл-Муайкили шақырылған.
Атап кетсек, бұл Құран жарысы бұған дейін беделді ғалымдар тарапынан ислам әлеміндегі ең жоғарғы дәрежедегі жарыс деп мойындалған.
