Мәскеуде банкоматтан 2,5 млн рубль ұрлаған адам қолға түсті
АСТАНА. ҚазАқпарат - Мәскеудің оңтүстік батысында екі ер адам газ қоспасы арқылы банкоматты жарып, 2,5 млн рубльден астам қаражатты ұрлаған.
Баукеспелер бұл қылмысты Обручева көшесінің бойында сенбі күні мәскеу уақытымен шамамен 4:50-де жасаған. Ал сағат 5:30-да Ленин даңғылында полицейлер күдіктінің бірін қолға түсірді.
Сондай-ақ, оның сыбайласы ретінде сезіктелген екі адам ұсталды. Екеуі де жұмыссыз, деп хабарлады rosbalt.ru.
