Мәскеуде құтырмаға қарсы карантин жарияланды
АСТАНА. ҚазАқпарат - Мәскеу аумағында 2016 жылдан бастап үшінші рет құтырма бойынша карантин жарияланды, деп хабарланды дүйсенбіде «Интерфаксқа» қалалық әкімшіліктен.
Мәскеу мэрі Сергей Собянин Троицк әкімшілік округінің Рязановское қонысы аумағына шектеу шараларын орнату туралы өкімге қол қойды. Карантин 25 ақпанда үй малының құтырма жұқтыруына байланысты 26 сәуірге дейін енгізілді. Рязанов аумағында ит, мысық көрмесін өткізуге, оларды сатуға, ауданнан тыс жерлерге шығаруға тыйым салынды.
