Мәскеуде лаңкестік әрекет жасамақ болған ер адам қамауға алынды
АСТАНА. ҚазАқпарат - Мәскеу қаласының Преображенский соты ресейлік арнайы қызметтер ел астанасында Жеңіс күнін мерекелеу кезінде лаңкестік әрекет жасамақ болды деген айып таққан Айбек Саидовты қамауға алды.
«Сот қаулысы бойынша Айбек Саидовқа қатысты 3 шілдеге дейін қамауға алу түріндегі бұлтартпау шарасы тағайындалды», - деп хабарлады Интерфакс агенттігіне соттың баспасөз хатшысы.
Қамауға алынған ер адам сондай-ақ құқық қорғау органы қызметкерінің өміріне қастандық жасамақ болды және қаруды заңсыз сақтады деп айыпталып отыр.
Сәрсенбіде Ресей ФҚҚ қоғамдық байланыстар орталығы арнайы іс-қимылдарды жүргізу кезінде Мәскеуде Орталық Азия елдерінен шыққан бір топ азамат ұсталғаны туралы хабарлады.
