Мәскеуде РҒА институты кітапханасындағы өрт толығымен сөндірілді
АСТАНА. ҚазАқпарат - Мәскеуде Ресей ғылым академиясының кітапханасында шыққан өртті сөндіруге бір тәуліктен астам уақыт кетті, деп хабарлады ВВС.
ТЖМ мәскеулік ММ баспасөз қызметінің мәліметінше, өрт 25 сағат ішінде сөндірілді.
Оқиға орнында сарапшы мамандар жұмыс жасап жатыр. Өрттің шығу себебі мен келтірілген залал көлемі анықталғасын хабарланбақ. Бұл фундаменталды кітапхана 1918 жылы құрылған. Оның негізінде 1969 жылы институт ашылды. Мұнда 14 млн-нан астам кітап пен мерзімді басылымдар бар.
