Мәскеудегі дауылдан жапа шеккендердің саны 140 адамға жуықтады
АСТАНА. ҚазАқпарат - Мәскеудегі жойқын дауылдан жапа шеккендердің саны 137 адамға жетті, деп хабарлайды ТАСС.
«Қазіргі сәтте жедел жәрдем көмегіне 137 адам жүгінген және бұл соңғы көрсеткіш емес», - деп мәлімдеген Мәскеудің төтенше жағдай қызметінен.
Айта кетейік, дауыл 11 адамның өмірін қиып кетті. Қала мэрі Сергей Собянинаның айтуынша, Мәскеу билігі қаза тапқан адамдардың жанұясына 1 млн. рубльден өтемақы төлеп береді.
