Мәскеудің батысында тоғыз шағын автобус өртеніп кетті
АСТАНА. ҚазАқпарат - Мәскеудің батысында Рублевка тас жолының бойындағы "Ашан" дүкенінің маңындағы тұрақта тоғыз шағын автобус отқа оранды.
Оқиға орнына келген өрт сөндірушілер тілсіз жауды ауыздықтады. Жапа шеккендер жоқ.
Жалын 35 шаршы метр аумақты жалмады. Полиция тексеру жұмыстарын жүргізіп жатыр. Оқиғаның мән-жайы анықталып жатыр. Тергеу қасақана өртеді деген болжамды да тексеріп жатыр. Алайда соңғы мәліметтерге қарағанда автобусты бөлшектеу үшін металл кесуге арналған газды құралды қолдану оттың шығуына себеп болуы мүмкін, деп жазады planet-today.ru.
