Маусымда елордадағы ең төменгі күнкөріс мөлшері 49 367 теңге болды

НҰР-СҰЛТАН. ҚазАқпарат – Маусым айында елордада ең төменгі күнкөріс мөлшері 49 367 теңгеге жетті. Бұл туралы Ұлттық статистика бюросы мәлім етті, деп хабарлайды ҚазАқпарат тілшісі.

«Нұр-Сұлтан қаласында маусымдағы ең төменгі күнкөріс мөлшері – 49 367 теңге. Бұл – мамыр айымен салыстырғанда 5,2%-ға, ал 2021 жылғы маусыммен салыстырғанда 13,3%-ға көп», - делінген Ұлттық статистка бюросының хабарламасында.

1 сәуірден бастап ел бойынша ең төменгі күнкөріс мөлшері – 37 389 теңге. Бұл орайда, бас шаһардағы күнкөріс деңгейі 11 978 теңгеге жоғары.