Маусымның үздік хоккейшісі белгілі болды

АСТАНА. ҚазАқпарат - «Қазақстанның үздік хоккейшісі» байқауының ұйымдастырушылары дәстүрлі сауалнама өткізіп, маусымның үздік ойыншысын анықтады. Елордалық «Барыс» клубының шабуылшысы Брэндон Боченски маусымның үздік хоккейшісі деп танылды.
None
None

Байқаудың өткен жылғы жеңімпазы - Ұлттық құраманың және астаналық клубтың шабуылшысы Роман Старченко екінші орынды иеленді.

Ал үшінші орын «Қазцинк-Торпеда» командасының шабуылшысы Евгений Рымаревқа бұйырды.

Ұлттық құраманың және «Барыстың» орталық шабуылшысы Николай Антропов төртінші орыннан көрінді.

Бесінші және алтыншы орында қарағандылық «Сарыарқа» шабуылшысы Константин Макаров пен «Барыстың» канадалық легионері Найджел Доус.

Әрі қарай тізімде Ұлттық құрама мен «Барыстың» қақпашысы Виталий Еремеев пен орталық шабуылшысы Дмитрий Уппер тұр.

Үздік ондықты «Барыстың» тағы бір голкипері, фин Ари Ахонен қорытындылады, деп жазады kazsporttv.kz.

Соңғы жаңалықтар