Майқайың кентіне су жеткізетін құбыр жөнделді
ПАВЛОДАР. KAZINFORM - Қазір мамандар кенттегі гидравликалық режімді реттеп жатыр. Жақын арада су беру штаттық жағдайда жүзеге асады.
Бұл туралы Павлодар облысы әкімінің баспасөз қызметінен хабарлады.
«Екібастұз су арнасынан Майқайың кентіне су жеткізетін диаметрі 1 020 мм-лік су құбырындағы ақауды жөндеу жұмыстары толықтай аяқталды. Жөндеу жұмыстарына 240-тан астам адам және 70 бірлік мамандандырылған техника жұмылдырылды. Мамандар су құбырының әрбір учаскесінде құбырдың қатуы мен ауаның тұрып қалу жайттарын тексерді. Мұндай учаскелер анықталған кезде құбырды бу генераторларымен жылыту жүргізілді. Жекелеген учаскелерде құбырдың айналасындағы топырақ көмір және ағаш шпалдарды жағу арқылы жылытылды. Жалпы ұзындығы 13,4 км құбыр (жер асты және жер үсті желілелі) қыздырылды», - деп мәлімдеді баспасөз қызметінен.
Аталған желіні суға толтыру жұмыстары аяқталды. Мамандар гидравликалық режимді реттеген соң, Майқайың кентін сумен жабдықтау құбырының қысымы артады.
