Майқайыңалтын аумағында құтқарушылар қауіпті жағдайда жұмыс істеп жатыр
Шағын көлемді экскаватормен шұңқырдан шамамен 850 текше метр топырақ шығарылды. Осылайша екінші экскаватордың жұмыс істеуіне мүмкіндік беретін орын ашылды.
20 қаңтарда барлық қауіпсіздік ережелерін сақтай отырып екінші шағын экскаватор іске кірісті. Оның көмегімен үлкен көлемді тастар мен тау жыныстары автобустың болжамды орнынан алынады.
Павлодар облысы ТЖД құтқарушылары шұңқыр түбіндегі екі экскаваторшы мен басқа да мамандардың жұмысын сақтандыруда және қауіпсіздігін қамтамасыз етуде. Жанармай, тамақ, маркшейдерлер, сондай-ақ табылған заттарды көтеру жұмыстары жүргізілуде.
Сканерлеу арқылы шұңқырдың шетінен тастардың қозғалысы мен құлауын бақылау тәулік бойы жүргізіліп жатыр. Сондай-ақ, экскаваторлардың бағытын үйлестіру үшін шұңқырдың түбін гесканизациялау жүргізілді.
Жұмыс нөлден төмен температурада жүргізілуде және топырақтың үнемі сырғуы жұмысты қиындатуда.
Іздеу жұмыстарына барлығы 147 адам, 45 бірлік техника, 3 кинологиялық есеп және 2 ұшқышсыз ұшу құрылғысы жұмылдырылған.
