Маймыл шешегіне байланысты Калифорния мен Иллинойста төтенше жағдай жариялады

ВАШИНГТОН. ҚазАқпарат – Калифорния мен Иллинойс штаттарында маймыл шешегі вирусына байланысты төтенше жағдай жарияланды, деп хабарлайды ҚазАқпарат NBC News-ке сілтеме жасап.

Төтенше жағдай режимі штаттарға аурумен күресу үшін барлық қолжетімді денсаулық сақтау ресурстарын ұсынады. Губернаторлар әкімшіліктерінің мәліметінше, штаттар вакциналарды шұғыл түрде сатып алуға мүмкіндік алады, ал олардың денсаулық сақтау департаменттеріне вакциналарды тарату бойынша барлық өкілеттік беріледі. Өткен аптада Нью-Йорк штатында маймыл шешегінің өршуіне байланысты төтенше жағдай жарияланғаннан кейін осындай мәлімдеме жасалды.

АҚШ Ауруларды бақылау және алдын алу орталықтарының дерегі бойынша, маймыл шешек ауруының саны бойынша Нью-Йорк (1390), Калифорния (827) және Иллинойс (520) штаттары көш бастап тұр.

Фото: Jessica Christian / San Francisco Chronicle via AP file