Мәжіліс алдағы күн тәртібін нақтылады
АСТАНА. ҚазАқпарат - Бүгін Мәжіліс спикері Нұрлан Нығматулиннің төрағалығымен өткен палатаның Бюро отырысында алдағы жалпы отырыстың күн тәртібі нақтыланды, деп хабарлайды ҚазАқпарат.
Онда депутаттар «2019 - 2021 жылдарға арналған республикалық бюджет туралы» Заң жобасын талқылайды. Ол Мемлекет басшысының Қазақстан халқына Жолдауы негізінде және Бюджет кодексіне сәйкес, еліміздің 2019-2021 жылдарға арналған әлеуметтік-экономикалық даму болжамына сай әзірленген.
Сонымен қатар, жалпы отырыста депутаттар назарына «Қазақстан Республикасының Ұлттық қорынан 2019 - 2021 жылдарға арналған кепілдендірілген трансферт туралы» Заң жобасы ұсынылатын болады.
Жалпы отырыста басқа да заң жобаларын қарау жоспарлануда.
