Мәжіліс депутаттары «Сарыарқа» корпорациясының жаңа инвестициялық жобаларымен танысты

АСТАНА. Желтоқсанның 25-і. ҚазАқпарат - Мәжілістің Экономикалық реформа және өңірлік даму комитеті  «Сарыарқа» әлеуметтік-кәсіпкерлік корпорациясы» ұлттық компаниясы» акционерлік қоғамына барып, көшпелі отырысын өткізді,

 деп хабарлайды ҚазАқпарат.

Өткізілген көшпелі отырыстың бағдарламасына орай халық қалаулылары индустриялық-инновациялық орталықта болды. Сондай-ақ «Сарыарқа» ӘКК» ҰК» АҚ-ының жаңа инвестициялық жобаларын жария еткен көрмемен танысты.

Комитет төрағасы Владимир Бобровтың басшылығымен өткен көшпелі отырыс ҚР Парламенті Мәжілісінің төртінші шақырылымның екінші сессиясына  арналған негізгі іс-шаралары шеңберінде жүзеге асырылды.