Мәжіліс: Е. Дошаевтың депутаттық өкілеттігі мерзімінен бұрын тоқтатылды

АСТАНА. 6 қараша. ҚазАқпарат - Бүгін Парламент Мәжілісінің жалпы отырысында палата депутаттары Ерген Николайұлы Дошаевтың депутаттық өкілеттігін мерзімінен бұрын тоқтату туралы қаулы қабылдады.

Орталық сайлау комиссиясының мүшесі Ләззат Сүлейменнің айтуынша, Ерген Дошаевтың өзі депутаттықтан босату туралы өтініш білдірген. Соған қатысты палата депутаттары оның өкілеттігін мерзімінен бұрын тоқтату туралы қаулы қабылдады. Тоқтала кететін жайт, депутат Е. Дошаев отбасылық жағдайына байланысты осындай шешім қабылдағанын айтады.

Аталған мәселеге орай Мәжіліс спикері Н. Нығматулин Е. Дошаевтың осы уақытқа дейінгі атқарған қызметін жоғары бағалап, оған алғыс білдірді.