12:53, 25 Ақпан 2019 | GMT +6
Мәжіліс ҚР Премьер-Министрі лауазымына Асқар Маминнің кандидатурасын қолдады
АСТАНА. ҚазАқпарат - Парламент Мәжілісі ҚР Премьер-Министрі лауазымына Асқар Маминнің кандидатурасын қолдады, деп хабарлайды ҚазАқпарат Ақорданың Туиттердегі парақшасына сілтеме жасап.
«Парламент Мәжілісінің депутаттары жаңа Үкіметтің басшысы лауазымына кандидатурасын қолдады», - делінген хабарламада.
Еске сала кетсек, ҚР Президенті Нұрсұлтан Назарбаев Парламент Мәжілісінің пленарлық отырысына қатысты. Мемлекет басшысы Премьер-Министр лауазымына Асқар Маминді ұсынған болатын.