Мәжіліс мемлекеттік кепілдік берген заң көмегі туралы жобаны бірінші оқылымда мақұлдады

АСТАНА. 20 ақпан. ҚазАқпарат - Бүгін Парламент Мәжілісінің спикер Нұрлан Нығматулиннің төрағалығымен өткен жалпы отырысында «Мемлекеттік кепілдік берген заң көмегі туралы» заң жобасын бірінші оқылымда мақұлдады.
None
None

Аталған құжат заң көмегін көрсету мәселелерін регламенттейтін құқықтық нормаларды бір заңнамалық актілерге жүйелеуге бағытталған.

Әділет министрі Берік Имашевтың айтуынша, құжатты қабылдау тегін заң көмегін ұсынудың тиімді жүйесін жасау арқылы Конституцияның 13-бабымен кепілдік берілген тегін білікті заң көмегін алу құқығын іске асыруды қамтамасыз етеді. Бұл ретте заң жобасы бойынша барлық мемлекеттік органдардың өздеріне өтініш жасаған кез келген тұлғаға өз құзыреті шегінде құқықтық ақпараттандыру түрінде тегін заң көмегін көрсету мүмкіндігі көзделеді. Бұдан бөлек, осы мәселелер шеңберінде Әділет органдары уәкілетті орган ретінде айқындалады. Ал ол тегін заң көмегінің барлық түрлері бойынша бүкіл бюджеттік бағдарламалардың әкімшісі болады. Бұл шара бюджет қаражатын неғұрлым тиімді пайдалануға және осы жүйені тегін заң көмегін көрсету субъектілерінің тәуелсіздігін қамтамасыз ету арқылы тұтастай жетілдіруге мүмкіндік береді.

Соңғы жаңалықтар