Мәжіліс шаруашылық дауларды қараудағы мемлекеттік бажға қатысты келісімді мақұлдады
АСТАНА. 27 ақпан. ҚазАқпарат - Бүгін Парламент Мәжілісінің жалпы отырысында палата депутаттары «1993 жылғы 24 желтоқсандағы Әртүрлі мемлекеттердің шаруашылық жүргізуші субъектілері арасындағы шаруашылық дауларды қарау
кезіндегі мемлекеттік баждың мөлшері мен оны өндіріп алу тәртібі туралы келісімге өзгерістер енгізу туралы хаттаманы ратификациялау туралы» заң жобасын мақұлдады.
Хаттаманың мақсаты келісімді уағдаласушы тараптардың сотарына берілетін талап-арыздар бойынша мемлектетік баж төлеу тәртібін нақтылайтын нормалармен толықтыру болып табылады. Бұл ретте, мүліктік сипаттағы даулар бойынша сот шешімдерін қайта қарау туралы арыздан өтініш берушінің дау айтылған сомасы негізге алына отырып, мемлекеттік баж сомасының 50 пайызы мөлшерінде баж алынуы белгіленеді.
Сот төрелік органдарына мемлектетік баж төлеу кезінде бірыңғай ақшалай балама ретінде Ресей Федерациясының рублі қабылданады. Мемлекеттік бажды өзге валютамен төлеу сот орналасқан мемлекеттің заңнамасында белгіленген жағдайларда жүзеге асырылады.
